منتدى الريف


منتدى الريف قبلان - بلدة قبلان - نابلس
 
الرئيسيةالتسجيلدخول

شاطر | 
 

 في ثلاجة الموتى !! حوار طفلتان فلسطينيتان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شام
مشـرفة المنتدى الاسلامي
مشـرفة المنتدى الاسلامي


عدد الرسائل : 1994
نقاط : 4442
تاريخ التسجيل : 07/05/2009

مُساهمةموضوع: في ثلاجة الموتى !! حوار طفلتان فلسطينيتان   الإثنين يناير 04, 2010 2:38 am

تاثرت كثيرا وانا اقرا
فاحببت ان تشاركوني




حوار طفلتان فلسطينيتان استشهدتا في ثلاجه الموتى










طفلتان في ثلاجة الموتى !

صباحاً : تنازعتا على سندويشة "الزعتر"، وتضاحكتا، ووخزت إحداهما الثانية في خاصرتها !

ظهراً : تقرآن درس "الحساب" معاً، وتتراشقان بوسادتين !

عصراً : تنامان كأي حمامتين ذبيحتين على وسادة معدنية في ثلاجة الموتى !!

.. لم يصل بهما الحمار إلى أي مرفأ، ولم تمدّ المذيعة الحزينة كفّها
من الشاشة لتنتشلهما من فم الموت، ..



تقول الصغيرة للشقيقة : برد كتييييير يا هيا !! لماذا القبر هكذا بارد ويلمع مثل الحديد ؟

"لما" هذا ليس القبر يا حبيبتي .. هذه ثلاجة المستشفى ، التي كنا نراها على التلفزيون !!

هل سترانا "بنات صفّنا" اليوم على التلفزيون ؟!

طبعا ، نحن الآن شهيدتان !!


معقول ؟ انا شهيدة ؟ أنا لسه صغيرة هيا !! كنت حابة أصير دكتورة مو شهيدة !!

نامي الآن ، غدا سنذهب الى الله ، لازم نصحى بكير!!

هيا .. بتعتقدي مات الحمار ؟

بيجوز.. بس بتعرفي؟ انا كنت حابّة أكمل المسلسل قبل ما أموت
نيّالهم سماح وعلا رح يعرفوا شو رح يصير بالآخر!

ما في تلفزيون بالجنة بنشوفه هناك !

تعالي لصّقي فيّ .. قرّبي أكتر حبيبتي..

هيا.. ليه بيظلّوا يفتحوا علينا باب الثلاجة ؟

عشان المصورين بيصوروا الشهدا

طيب هلّا بكرة عند الله رح يحطّوني بالنار؟

ليه انتي شو عاملة "لما" ؟

بتعرفي الاسبوع الماضي أخذت قلم اياد وما رجعته ، خايفة الله يكون زعلان مني

لا حبيبتي ما تخافي .. اياد أخوك وهلا بيكون يدعيلك ويقرألك الفاتحة والله رح يسامح

بكرة اي ساعة رح نطلع؟

ما بعرف بالزبط لأنه في شهدا كتير كان اليوم ، ورح يكون زحمة كتير

صحيح هيا صحيح !! ممكن بكرة نسأل عن حبيبنا
الشيخ احمد ياسين ونسلم عليه هناك

هيا .. ليه ما بيجبولنا أكل هون

شو أكل إحنا ميتات يا حبيبتي !! مالك إنت؟

ميتات ؟ مو حكيتيلي قبل شوي شهيدات انا جعانة ؟

اصبري للصبح بتاكلي بالجنة

ما بدي خلص بطلت أستشهد !! بدّي أروّح !! افتحيلي بدي أطلع ..

وين بدك ترجعي يا مسكينة ؟

على بيتنا !!

بيتنا تهدم حبيبتي وما ظل منو اي حجر

بنتخبى بالجامع

الجامع هدموه كمان

طيب وين راح "الحمار" وين تخبّى ؟!

"الحمار" بيدبر حاله !! ما تخافي عليه


يعني خلص ما رح نرجع ع البيت ؟

لأ ! هلّا بيتنا عند الله !!

أحسن .. في هناك مدارس

لأ .. ما تخافي

طيب في حرب

ما بعرف !! يمكن !!

بتعرفي انا خايفة كتير على بابا

ليه

امبارح كان يحكي انو العرب بدهم ايانا نعمل انتفاضة تالتة .. وخايف يموت فيها

شو يعني انتفاضة ؟

يعني فلسطينية كتيييييير يموتوا

وشو بيصير بعدها ؟

ولا شي !!

كيف ولا شي يعني

ولا شي !!

طيب ليه العرب بدهم ايانا ننتفض من جديد ؟

عشان يحسوا انو احنا بنموت واحنا بنحارب مو واحنا نايمين

وهم شو بيفرق معهم ؟

بيكونوا مرتاحين اكتر !!

يا حرام العرب كتييير بتعبوا وهم يصرخوا ع التلفزيون .. أنا بحزن عليهم !!

طيب احنا ليش اسرائيل بتكرهنا ؟

اووف .. انت ليه اليوم اسئلتك كتيرة

زهقانة !!! ما في تلفزيون ولا أكل .. وبرد كتييير

خلينا بحالنا هلا وقت تلفزيون

شفتي خطيب الجامع ع التلفزيون؟ كان يدعيلنا كتير

ولك هاد مو خطيب الجامع هاد (عمو الزلمة) !!

طيب شو يعني المقاومة اللي كان يحكي عنها ؟

يعني انو ما تهربي من الصاروخ زي ما كنتي بدك تعملي

يعني هلا هو ما بيحب اياد لأنو هرب من الصاروخ؟!!

ما بعرف بس اياد ما بيعرف يقاوم

طيب هو عمو الزلمة كيف بيقاوم

اوووف !! شو بعرفني اسأليه !!

بيرموا صواريخ صغيرة ع اسرائيل .. صح

اه ..

طيب هاي ما بتنفع.. ما بتصيب حدا

شو رايك انتي يعني

ما عندو صواريخ كبيرة تقتل كل اسرائيل ؟

لأ ما عندو .. وخلص اسكتي..

ما بدي اسكت .. بدي افهم انا ليش متت

عادي يعني .. مو احنا دايما بنموت ؟


بس الحمار هرب .. ما مات ..

لأنه حمار !!

بتعرفي امبارح شفت "بقج الملابس" اللي بعثوها العرب .. حلوة كتيييييير...
لو ما متنا كان طلعلي فستان ولا لعبة

شو هالصوت ؟ سامعة الضجة ؟

شكله الممرض فاتح التلفزيون .. هاي مظاهرات عشان احنا متنا..

يعني هلا بيكتبوا عنا شعر زي محمد الدرة ؟

اه بس يا خسارة " درويش" مات .. مين رح يكتب ؟

عندي فكرة !! بكرة بشوف درويش عند ربنا وبخلّيه يكتب قصيدة
النا لحالنا ما حدا يقرأها غير انا وانت

فكرة حلوة

طيب احكي للممرض يحط ع المسلسل !!

كيف احكي ؟ انا ميتة مثلك !!

طيب هلا بس ينام الممرض رح انزل من هاد الجارور شوي شوي ..
ع السُكّيت .. وأهرب ع البيت

لأ .. اوعي .. بيشوفوكي وبيطخوكي كمان مرة

ليه بشوف الحمار وين اتخبى وبتخبى مثله

بيزعل منك عمو الزلمة ؟

طيب هو عمو الزلمة ليه قاعد جوا التلفزيون ؟ ليه مو معانا ؟

اوووف .. انتي بدك تخربي بيتنا بكلامك

انتي مو حكيتي بيتنا تهدم

اه بس قصدي .. خلص اسكتي..

يا الله لو اني هلا بالبيت كنت عملت سندويشة لبنة ...

شو بالك فاضي !!

طيب عمو الزلمة بيحب سندويشة اللبنة

لأ هو ما بيحب غير الصمود .. بس

يا الله .. يعني شو اعمل حاسّة بدي أموت ع سندويشة لبنة !!


|mn|

_________________
السنة شجرة , والشهور فروعها , والأيام اغصانها , والساعات أوراقها , والانفاس ثمارها . فمن كانت انفاسه في طاعة فثمرة شجرته طيبه , ومن كانت في معصيه , فثمرته حنظله ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
FRE_D d o O o m
مشرفة منتدى النقاش الجاد
مشرفة منتدى النقاش الجاد


عدد الرسائل : 4029
العمر : 25
مكان الاقامة : المريخ
نقاط : 6125
تاريخ التسجيل : 22/05/2009

مُساهمةموضوع: رد: في ثلاجة الموتى !! حوار طفلتان فلسطينيتان   الإثنين يناير 04, 2010 3:01 am

والله حوار مؤثر كثير
قشعر بدني

يعطيكي العافية النقل الرائع

تقبلي مروري

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أخت الورد
مشرفة المنتدى الترفيهي
مشرفة المنتدى الترفيهي


عدد الرسائل : 1962
نقاط : 3640
تاريخ التسجيل : 06/11/2009

مُساهمةموضوع: رد: في ثلاجة الموتى !! حوار طفلتان فلسطينيتان   الإثنين يناير 04, 2010 3:08 am

يعطيكي العافيه عالنقل
حوار مؤثر كتثير
مشكوره
تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ازهار الربيع
ريفي فضي
ريفي فضي


عدد الرسائل : 150
العمر : 27
مكان الاقامة : قبلان
العمل/الترفيه : سنة تانيه جامعه
المزاج : رايئه ابعد الحدود
نقاط : 241
تاريخ التسجيل : 24/04/2009

مُساهمةموضوع: رد: في ثلاجة الموتى !! حوار طفلتان فلسطينيتان   الإثنين يناير 04, 2010 3:19 am

حوار اكتر من رائع
يسلموا أيديك يا شام
الله يرحم الشهيد الشيخ احمد ياسين......ويرحم جميع موتى المسلمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SAMIH
المدير العام
المدير العام


عدد الرسائل : 3427
العمر : 26
مكان الاقامة : جنب دار جيرانا
العمل/الترفيه : ملكش دخل
المزاج : مكتئب !
نقاط : 6066
تاريخ التسجيل : 03/01/2009

مُساهمةموضوع: رد: في ثلاجة الموتى !! حوار طفلتان فلسطينيتان   الإثنين يناير 04, 2010 3:51 am

لولا شوي عيطت
يسلمو ايديكي شام
والله اكثر من ابداع

_________________
الحمد لله



الدنيا كالماء المالح كلما ازدت شربا منها ازدت عطشا Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tito
مشرف منتدى القدس
مشرف منتدى القدس


عدد الرسائل : 1194
العمر : 27
مكان الاقامة : في الغربة الله يبعدكم عنها
العمل/الترفيه : سماع الموسيقى طالب
المزاج : متقلب
نقاط : 2696
تاريخ التسجيل : 23/11/2009

مُساهمةموضوع: رد: في ثلاجة الموتى !! حوار طفلتان فلسطينيتان   الإثنين يناير 04, 2010 3:57 am

كتير مؤثر والله عيني دمعين يسلمو من اوروع الخواطر الي قراتها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شام
مشـرفة المنتدى الاسلامي
مشـرفة المنتدى الاسلامي


عدد الرسائل : 1994
نقاط : 4442
تاريخ التسجيل : 07/05/2009

مُساهمةموضوع: رد: في ثلاجة الموتى !! حوار طفلتان فلسطينيتان   الإثنين يناير 04, 2010 5:21 am

شكرا لكم على المرور

العبرة ما حملته تلك السطور من رسالة
تدمي القلب


دمتم بخير اخوتي اخواتي

_________________
السنة شجرة , والشهور فروعها , والأيام اغصانها , والساعات أوراقها , والانفاس ثمارها . فمن كانت انفاسه في طاعة فثمرة شجرته طيبه , ومن كانت في معصيه , فثمرته حنظله ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بكرة احلى
نائب المدير
نائب المدير


عدد الرسائل : 4103
العمر : 32
مكان الاقامة : QABALAN
العمل/الترفيه : واحد من الناس
المزاج : الحمد لله
نقاط : 7509
تاريخ التسجيل : 10/02/2009

مُساهمةموضوع: رد: في ثلاجة الموتى !! حوار طفلتان فلسطينيتان   الإثنين يناير 04, 2010 8:34 am

اقتباس :
نا كنت حابّة أكمل المسلسل قبل ما أموت
نيّالهم سماح وعلا رح يعرفوا شو رح يصير بالآخر!


انا كمان قشعر بدني...كان الحوار كثير مؤثر

مشاركة بتحمل في سطورها ...أوجاع صعبة لشعب ربنا يكون في عونو


كثير اطفال انحرموا من طفولتهم ....من ورى وحشية اسرائيل ....وغياب العدالة

اكيد اهتمام هياولما بالمسلسل وبسندويشة اللبنة والحمار

برمز لاشيا كثيرة ...بسيطة ......وفي نفس الوقت ....كبيرة

وحشية اسرائيل ...اللي اغتالت الشيخ احمد ياسين وهو خارج من صلاة الفجر

وهو شيخ قعيد...ما رح توفر هيا ولما لأنهم اطفال


مشكورة اختي شام ..

قصة جدا جدا مؤثرة وبتحمل رسالة كبيرة

_________________

في درب الحياة ضيعت نفسي
ثم وجدتها في رحاب الله

وفي متاهات الطريق فقدت غايتي
ثم ألفيتها في كتاب الله

وفي زحام الموكب ضللت رحلي
ثم وجدتها عند رسول الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شام
مشـرفة المنتدى الاسلامي
مشـرفة المنتدى الاسلامي


عدد الرسائل : 1994
نقاط : 4442
تاريخ التسجيل : 07/05/2009

مُساهمةموضوع: رد: في ثلاجة الموتى !! حوار طفلتان فلسطينيتان   الثلاثاء يناير 05, 2010 11:59 pm

مشكور بكرة احلى
على المرور
|gd|

_________________
السنة شجرة , والشهور فروعها , والأيام اغصانها , والساعات أوراقها , والانفاس ثمارها . فمن كانت انفاسه في طاعة فثمرة شجرته طيبه , ومن كانت في معصيه , فثمرته حنظله ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
في ثلاجة الموتى !! حوار طفلتان فلسطينيتان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الريف :: منتديات الريف :: المنتدى العام-
انتقل الى: