منتدى الريف


منتدى الريف قبلان - بلدة قبلان - نابلس
 
الرئيسيةالتسجيلدخول

شاطر | 
 

 مذكرات فلاح اسمو ابو كريم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بكرة احلى
نائب المدير
نائب المدير


عدد الرسائل : 4103
العمر : 32
مكان الاقامة : QABALAN
العمل/الترفيه : واحد من الناس
المزاج : الحمد لله
نقاط : 7509
تاريخ التسجيل : 10/02/2009

مُساهمةموضوع: مذكرات فلاح اسمو ابو كريم   الثلاثاء أكتوبر 13, 2009 1:53 am

مسا الخير لكل الاعضاء اللي هون ...واللي مش هون

اجا موسم الجداد كل سنة ما في مفر .....في شهر 10 بكبروا حبات الزتون وبصير لازم نجهز حالنا

مش عارف الموسم هاد كثير قبل ما يبلش في اكم من يوم بنهمل همو وبندايق بس الصراحة بس نبلش بننسى حالنا

وببنبسط.............................

اكيد رح نجهز سيبة او ثنتين ...ومفارش مثل الخلق ما فيها خزوق ...ومنشارة وكياس ومسلة مع خيطان واكم دلو

واكم تنكة صغار عشان الولاد الصغار يعبو عن المفارش.......
حلوة كثير عاداتنا في الجداد حتى الحكي فيها حلو ............

يعني من الصبح بتكون المرة محضرة في كياس صغيرة ومرتبانات شوية سكر وشاي وميرمية وملح ومخلل وفطور اكيد رح

يكون زاكي بين الزتونات............كمان جلان المي والقزايز...مع ابريق اخضر او ازرق عشان اللي بدو يتوضى

حلو انو المفارش يكونوا كفاية تا يغطو تحت اكبر زتونة لانو الجول عن الارض كثير متعب

طبعا للنسوان الجول هيك مشت العادة ....في كل عيلة اكيد في ولد بحب الحركة هاذ وظيفتة يظل يتعربش

عظهر الزتونة ويلقط الحب البعيد ...بتقضيها امو تصلي عالنبي مش مصدقة حالها ابنها قرد ما بخلي فرع

الا بيتعربشوا وهو شو ولا جاكي شان كا انو هالاشي العظيم اللي بسويه وبنروح بنلقى نسوان العيلة عذيال الزتونة عالواقف

والكبار طالعين عالسيب ................ببتروح خالتي او امي ما في فرق بتجهز لبريق الشاي

طبعا كلكم فلاحين وبتعرفوا مواسم صنع ابريق الشاي في السراحة

بتنقي نتفة ما فيها هوى كثير جنب صخرة .....وبتحط اكم حجر قد بعض .....وبتحط البريق وبتجيب قصف حطب يابسة

ما في خوف من هالشغلة مليان في السراحة من هاي القصف .....كانت هوايتي اظل ادور عقصف حطب بموت في هالشغلة

بس اليوم كبرت وصار مطرحي عالسيبة نيال طارق وآية.....المهم بجهز بريق الشاي وبكون الفطور جاهز

وبنقعد اكيد انتو معي وبتحسو في الطعم الزاكي للاكل بين الزتون ...............ولا احلى من هيك اكل مستحيل يضل صحن في اشي

وكاسة الشاي اللي الها ساعة تا جهزت ولا اغلى غاز في العالم بقدر يسويها سر سحر ما بعرف

قوموا ههههههههه يما ما اشطر الكبار في هالكلمة محنا قاعدين وما شاء الله عنا ...كل واحد برجع محلو وبمشي اليو م


مصطلحات اكيد بنسمعها في الجداد


دير بالك يما لا ينكسر فيك الفرع ....تحذير وخوف

قومي هاي في شوية هوى ذري هالحبات ..نصيحة من خبير

استنى خليني ارفع عليك هالشوال ... ايثار وتعاون

هاذ الفرع عالي مش طايقلو خليني انشرو ...يأس واستسلام لفرع زتون

يا ابن الحلال ارمي هالعصاي من ايديك وجد مثل الخلق والناس...رحمة للزتون وشفقة

خالتي لايم هالمفارش انت ومحمد وديروهن هان خليني انقيهن....اكيد غزل ومحبة بين الخالة وابن اختها

بدي انقيلي حبة رصيعات عشان نوديهن لخوك عالمانيا...يا سلام قلبي معك يا ولدي..هيك اسمو هاد المقطع شو اعمللكم؟

لايم كل قزايز المي الفاظي خلينا نروحها ونرد نعبيها ...ادارة وتدبير واقتصاد

بابا مطولين تا نروح؟؟؟؟؟ ولد زنخ طلعت روحو مع انو ما سوا اشي من الصبح

لايمو هالمفارش وظبوا السيبة مغيبت الدنيا ...... اكيد الكبير حكى هيك والصغير فرح ..بنسميها فرحة لا توصف


والسلام عليكم ورحمة الله ......بعد اول يوم جداد ..مذكرات فلاح اسمو بكرة احلى

_________________

في درب الحياة ضيعت نفسي
ثم وجدتها في رحاب الله

وفي متاهات الطريق فقدت غايتي
ثم ألفيتها في كتاب الله

وفي زحام الموكب ضللت رحلي
ثم وجدتها عند رسول الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شام
مشـرفة المنتدى الاسلامي
مشـرفة المنتدى الاسلامي


عدد الرسائل : 1994
نقاط : 4442
تاريخ التسجيل : 07/05/2009

مُساهمةموضوع: رد: مذكرات فلاح اسمو ابو كريم   الأربعاء أكتوبر 14, 2009 12:17 am

سمعت عن الجداد من اختي التي لم تلدها امي كثيرا هي صاغته من هموم امراة تعبه
غير ما ابداعته اخي الفلاح
سياحة والله

دائما ذكرايات العائلة ايام حلوة لا تنسى


كان الابداع قلمك مع انه بلغة قبلان

شكرا لانك امتعتنا

_________________
السنة شجرة , والشهور فروعها , والأيام اغصانها , والساعات أوراقها , والانفاس ثمارها . فمن كانت انفاسه في طاعة فثمرة شجرته طيبه , ومن كانت في معصيه , فثمرته حنظله ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
FRE_D d o O o m
مشرفة منتدى النقاش الجاد
مشرفة منتدى النقاش الجاد


عدد الرسائل : 4029
العمر : 25
مكان الاقامة : المريخ
نقاط : 6125
تاريخ التسجيل : 22/05/2009

مُساهمةموضوع: رد: مذكرات فلاح اسمو ابو كريم   الأربعاء أكتوبر 14, 2009 1:32 am

ااااااااااااااااخ على ايام الجداد ما احلوهن

احلى شي الفطور يميم يم وتكون يوم جمعة والكل متجمع

انا صراحة ما بصدق ايمتا يروحو ع الصلاة عشان نرتاح شوي

بضلو ينقو فوق روسنا ويا ويل امو الي برفع راسو
عن المفرش

ويا عيني عنشر الفروع

احلى شي لما واحد ينشر فرع ويكون اخوه واقف عليه

هاي صارت كتييييييييييير
ييجو التنين فوق بعض

واحلى شي كمان لما ييجو الجيران يوخدو اشي منا

يعني سنارة كيس دلو مي

يلا قربت ايام الجداد وان شاء الله الكل بينبسط

يسلمو بكرة احلى



_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
AYSAR ABED
ريفي جديد
ريفي جديد


عدد الرسائل : 50
العمر : 23
مكان الاقامة : ٲمــڒيــڪـآآ
العمل/الترفيه : طالب فـے المدرسهـ
المزاج : رايق ع الاخير
نقاط : 91
تاريخ التسجيل : 28/09/2009

مُساهمةموضوع: رد: مذكرات فلاح اسمو ابو كريم   الأربعاء أكتوبر 14, 2009 1:39 am

ذكرتني في ايام الجداد يا ابو كريم
يوم سيدي كان يصرخ علي ويحكيلي
تـــــــــــــعــــــــــــــــاااااااااااااااال جد
طبعاً مع مسبه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همس القمر
مشرفة المنتدى الصحي
مشرفة المنتدى الصحي


عدد الرسائل : 4311
العمر : 21
مكان الاقامة : قبلان ○
العمل/الترفيه : ع..توجيعي:(
المزاج : ...!
نقاط : 7627
تاريخ التسجيل : 25/04/2009

مُساهمةموضوع: رد: مذكرات فلاح اسمو ابو كريم   الأربعاء أكتوبر 14, 2009 1:52 am



ااااااه ولا في احلى من الجداد

خاصه سهل اوصرين لما احنا نكون ويكونو جيرانا جمبنا

وكل القارايب بكونو غاد يعني كلنا جنب بعض

ولما يروحو ع الصلاه بنروح نقعد عند بعض

ونشوف مين بتجول اكتر





ولما لما واحد يكون قد الدب واقف ع فرح ما بيتحمل

وينكسر فيه هههههههههه



ااااااه ما احلاها



بس السنه انا ما بدي اروح اجد معاهم Sad Crying or Very sad Sad Crying or Very sad




مشكووووووور

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
القمر الضائع
ريفي ذهبي
ريفي ذهبي


عدد الرسائل : 416
مكان الاقامة : في بلاد الله
العمل/الترفيه : طالبة
المزاج : ع حسب
نقاط : 466
تاريخ التسجيل : 03/06/2009

مُساهمةموضوع: رد: مذكرات فلاح اسمو ابو كريم   الأربعاء أكتوبر 14, 2009 2:04 am

يا عمي والله انها ايام روعة

بس للا سف احنا ما عنا جداد

بس والله بسمع انو بجنن
الله يبسطكم الجميع في الجداد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدو
ريفي فضي
ريفي فضي


عدد الرسائل : 374
المزاج : معصب
نقاط : 458
تاريخ التسجيل : 28/09/2009

مُساهمةموضوع: رد: مذكرات فلاح اسمو ابو كريم   السبت أكتوبر 17, 2009 2:44 am

يسلموووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مذكرات فلاح اسمو ابو كريم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الريف :: منتديات الريف :: المنتدى العام-
انتقل الى: